AtmajyotJyotiṣa · Panchāng
stotram

Lingashtakam

Lingashtakam — the eight verses in praise of the Shiva Linga, with Sanskrit text, transliteration and an original Hindi and English meaning.

Devanagari checked against standard published editions.

Benefits

Each verse ends with the same refrain of salutation to the Sadashiva Linga; the closing verse describes reciting it in Shiva’s presence.

1

ब्रह्ममुरारिसुरार्चितलिङ्गं निर्मलभासितशोभितलिङ्गम् । जन्मजदुःखविनाशकलिङ्गं तत् प्रणमामि सदाशिवलिङ्गम् ॥१॥

brahmamurārisurārcitaliṅgaṁ nirmalabhāsitaśobhitaliṅgam । janmajaduḥkhavināśakaliṅgaṁ tat praṇamāmi sadāśivaliṅgam ॥1॥

2

देवमुनिप्रवरार्चितलिङ्गं कामदहं करुणाकरलिङ्गम् । रावणदर्पविनाशनलिङ्गं तत् प्रणमामि सदाशिवलिङ्गम् ॥२॥

devamunipravarārcitaliṅgaṁ kāmadahaṁ karuṇākaraliṅgam । rāvaṇadarpavināśanaliṅgaṁ tat praṇamāmi sadāśivaliṅgam ॥2॥

3

सर्वसुगन्धिसुलेपितलिङ्गं बुद्धिविवर्धनकारणलिङ्गम् । सिद्धसुरासुरवन्दितलिङ्गं तत् प्रणमामि सदाशिवलिङ्गम् ॥३॥

sarvasugandhisulepitaliṅgaṁ buddhivivardhanakāraṇaliṅgam । siddhasurāsuravanditaliṅgaṁ tat praṇamāmi sadāśivaliṅgam ॥3॥

4

कनकमहामणिभूषितलिङ्गं फणिपतिवेष्टितशोभितलिङ्गम् । दक्षसुयज्ञविनाशनलिङ्गं तत् प्रणमामि सदाशिवलिङ्गम् ॥४॥

kanakamahāmaṇibhūṣitaliṅgaṁ phaṇipativeṣṭitaśobhitaliṅgam । dakṣasuyajñavināśanaliṅgaṁ tat praṇamāmi sadāśivaliṅgam ॥4॥

5

कुङ्कुमचन्दनलेपितलिङ्गं पङ्कजहारसुशोभितलिङ्गम् । सञ्चितपापविनाशनलिङ्गं तत् प्रणमामि सदाशिवलिङ्गम् ॥५॥

kuṅkumacandanalepitaliṅgaṁ paṅkajahārasuśobhitaliṅgam । sañcitapāpavināśanaliṅgaṁ tat praṇamāmi sadāśivaliṅgam ॥5॥

6

देवगणार्चितसेवितलिङ्गं भावैर्भक्तिभिरेव च लिङ्गम् । दिनकरकोटिप्रभाकरलिङ्गं तत् प्रणमामि सदाशिवलिङ्गम् ॥६॥

devagaṇārcitasevitaliṅgaṁ bhāvairbhaktibhireva ca liṅgam । dinakarakoṭiprabhākaraliṅgaṁ tat praṇamāmi sadāśivaliṅgam ॥6॥

7

अष्टदलोपरिवेष्टितलिङ्गं सर्वसमुद्भवकारणलिङ्गम् । अष्टदरिद्रविनाशनलिङ्गं तत् प्रणमामि सदाशिवलिङ्गम् ॥७॥

aṣṭadalopariveṣṭitaliṅgaṁ sarvasamudbhavakāraṇaliṅgam । aṣṭadaridravināśanaliṅgaṁ tat praṇamāmi sadāśivaliṅgam ॥7॥

8

सुरगुरुसुरवरपूजितलिङ्गं सुरवनपुष्पसदार्चितलिङ्गम् । परात्परं परमात्मकलिङ्गं तत् प्रणमामि सदाशिवलिङ्गम् ॥८॥

suragurusuravarapūjitaliṅgaṁ suravanapuṣpasadārcitaliṅgam । parātparaṁ paramātmakaliṅgaṁ tat praṇamāmi sadāśivaliṅgam ॥8॥

9

लिङ्गाष्टकमिदं पुण्यं यः पठेच्छिवसन्निधौ । शिवलोकमवाप्नोति शिवेन सह मोदते ॥

liṅgāṣṭakamidaṁ puṇyaṁ yaḥ paṭhecchivasannidhau । śivalokamavāpnoti śivena saha modate ॥

Related